Piala Jagat FIFA 2018 inggih punika wimbakara sépakbola internasional sané kamargiang ring Rusia saking tanggal 14 Juni nganti 15 Juli 2018. Kea-32 timnas pamilet wimbakara punika patut naftarang skuad sané madaging 23 pemain, rumasuk tiga kiper. Wantah pemain ring regu niki sané dados ngambil paham ring wimbakara.[1]
Lis 35 pemain saking soang-soang tim nasional kasobyahang ring FIFA ring 14 Méi 2018, asasih sadurung laga pamahbah wimbakara.[2] Saking skuad awal, lis pinih ungkur saking 23 pemain ring soang-soang tim nasional kasobyahang ring FIFA ring tanggal 4 Juni, 10 rahina sadurung laga pamabahbah wimbakara.[2] FIFA ngamedalang lis pinih ungkur antuk nomer skuad ring situs wéb ipun ring rahina sané pateh.[3][4] Tim kaicénin antuk ngentosin pemain sané sampun lingsir ri kala wénten cidera utawi pikobet liyanan, ri kala wénten galah ngantos 24 jam sadurung laga kapertama, ri kala pemain sané kagentosin nénten perlu wénten ring skuad awal.[2]
Pemain sané kapilih ring skuad awal 35 pemain, wénten masa marérén awal ring 21 miwah 27 Méi 2018, sajabaning sané nyarengin Final Liga Champions UEFA 2018 sané kapilih ring 26 Méi.[5] Ring pangawitin skuad awal punika madué 30 pemain, sakéwanten, ring Pébruari 2018, kauningayang indik akéhnyané pemain sané pacang kapilih ring skuad sauntara punika pacang nincap dados 35.[2] Posisi sané kaunggahang ring soang-soang pemain manut saking lis skuad resmi sané kamedalang olih FIFA. Yusa sané kaunggahang ring soang-soang pemain inggih punika ring tanggal 14 Juni 2018, rahina kapertama wimbakara. Akéh tampil miwah gol sané kaunggahang ring soang-soang pemain nénten ngranjing ring sahananing partai sané kapolihang risampuné pangawit wimbakara. Klub sané kaunggahang inggih punika klub sané pinih untat kapilih olih pemain sadurung wimbakara.[note 1] Kawarganegaraan antuk soang-soang klub nyihnayang asosiasi nasional (nénten liga) sané kagabung klub punika. Kobér kasarengin antuk pelatih sané maduwé kawarganegaraan sané matiosan saking tim nasional ipuné.
Pikobet nganggit: Ditemukan tag <ref>
untuk kelompok bernama "note", tapi tidak ditemukan tag <references group="note"/>
yang berkaitan
© MMXXIII Rich X Search. We shall prevail. All rights reserved. Rich X Search